ABŞ-ın cənub-şərq sahillərinə yaxınlaşan Dorian qasırğası şiddətini artıraraq 5-ci təhlükə səviyyəsinə yüksəlib.
TİA.AZ xəbər verir ki, təbiət hadisəsi ilə əlaqədar Cənubi Karolina, Florida və Corciya ştatlarında təxliyyə barədə qərar qəbul edilib. Qasırğa hazırda Baham adalarından Corciya və Cənubi Karolina istiqamətində hərəkət edir. Hər iki ştatda fövqəladə vəziyyət elan edilib. Dorianın bu gün Floridaya çatması gözlənilirdi, lakin qasırğa istiqamətini dəyişdi və şimala doğru irəliləməyə başladı.
Rəsmilər təbii fəlakətin dağıntılara, güclü yağış və selə səbəb olacağı barədə xəbərdarlıq edib.
