ABŞ Prezidenti Donald Tramp Rusiya-Ukrayna münaqişəsinin çox tezliklə başa çatacağına inandığını bildirib.
Tribuna.az xəbər verir ki, Tramp bu barədə Şimali Karolinada çıxışı zamanı danışıb. ABŞ lideri administrasiyasının münaqişənin həlli istiqamətində intensiv çalışdığını deyib.
“Rusiya və Ukrayna arasında münaqişənin həlli üzərində ciddi işləyirik. Mən səkkiz münaqişəni həll etmişəm, lakin ən çətini Rusiya ilə Ukrayna arasındakı münaqişədir”, – Tramp bildirib.
ABŞ Prezidenti, həmçinin Ukraynadakı müharibənin dizel yanacağının qiymətlərinin artmasına təsir etdiyini iddia edib.
“Amma bütün bunlar çox tezliklə başa çatacaq”, -Tramp əlavə edib.
Trampın açıqlaması onun sentyabrın 16-da Şimali Karolinaya səfəri zamanı səslənib. Ağ Ev həmin gün prezidentin ştata səfər etdiyini təsdiqləyib.
