“Yüksək İnşaat Layihə” Məhdud Məsuliyyətli Cəmiyyət (MMC) cərimə edilib.
Tribuna.az Yurd.Media-ya istinadən xəbər verir ki, şirkət tərəfindən 2024-cü il üzrə maliyyə hesabatlarının 2025-ci ildə auditi aparılmayıb.
Nəticədə MMC tərəfindən İnzibati Xətalar Məcəlləsinin 464-cü maddəsində nəzərdə tutulan inzibati xəta törədilib.
Binəqədi Rayon Məhkəməsinin qərarı ilə MMC 1500 manat məbləğində cərimə edilib.
Qeyd edək ki, 2020-ci ildən fəaliyyət göstərən “Yüksək İnşaat Layihə” şirkətinin hazırda dövlətə 8 milyon manat vergi borcu yığılıb. Nizamnamə kapitalı cəmi 4 manat təşkil edən MMC-nin rəhbəri Vüsalə Qasımovadır.
