Təhsilin idarə olunması üzrə mütəxəssis Qoşqar Məhərrəmov müəllimlərin 8 saatlıq iş mühiti üçün nələr tələb edildiyini sıralayıb.
Tribuna xəbər verir ki, Q. Məhərrəmovun fikrincə, məktəblərin müəllimlərin 8 saatlıq iş mühitinə çevrilməsi üçün aşağıdakılar lazımdır:
1. Müəllimin ya ofisi, ya da özünə aid sinifi, həmin sinifdə kompüter və internet, kompüterin bağlı olduğu mərkəzi bir printer olmalıdır.
2. Müəllimin 30-60 dəqiqəlik günorta fasiləsi olmalıdır.
3. Müəllimlər otağında çay-kofe üçün şərait, oturmaq üçün kifayət qədər məkan və mebel olmalıdır.
4. Yeməkxanada/bufetdə müəllimlər üçün arakəsmə ilə ayrılmış yer olmalıdır ki, müəllim evindən gətirdiyi naharını rahat yeyə bilsin.
5. Müəllimin dərs saatı 18-25 saat arası olmalı və qalan saatları məktəbdə digər pedaqoji proseslərə xərcləməlidir.
6. Müəllimin məvacibi ay ərzində məktəbdə keçirdiyi bütün saatlar nəzərə alınaraq hesablanmalıdır. Məs. 4 həftə x 5 x 8 = 160 saat.
Gülşən Rəsul
