Müğənni Günel Zeynalovanın Afrikadakı yardıma möhtac olan müsəlmanlara 1 qoç hədiyyə etməsi sosial şəbəkələrdə tənqid edilib.
Tribuna.az xəbər verir ki, sosial şəbəkə istifadəçiləri müğənninin bu addımıə qiymətləndirsələr də, bildiriblər ki, bu addımı o öz ölkəsində atsaydı, daha yaxşı olardı. İstifadəçilər bildirib ki, Azərbaycanda da yardıma ehtiyacı olan insanlar kifayət qədərdir və müğənni qoç qurbanını elə öz ölkəsində, məhəlləsində kəsib paylaya bilərdi.
Bəzi sosial şəbəkə istifadəçiləri isə Günel Zeynalovanın belə addım atmasına ümumiyyətlə inanmadığını bildirib.
Qeyd edək ki, ötən gün müğənni paylaşımında Afrikada yardıma möhtac olanlar üçün 1 qoş niyyət qurbanı kəsdiyini bildirib. Paylaşımında həmçinin bildirib ki, Allah daha çox yardım etməyi nəsib etsin.
Gülşən Rəsul
