“Forbes” dərgisi dünyanın ən zəngin illüziyaçılarının adlarını açıqlayıb.
TİA.AZ xarici mətbuata istinadən xəbər verir ki, siyahıya amerikalı illüziyaçı Devid Kopperfild liderlik edir. Onun ümumi sərvəti 875 milyon dollar qiymətləndirilir. İkinci yeri Penn və Tellerin dueti tutur. Onlar Las-Veqasdakı tamaşalarından və öz televiziya şoularından 28 milyon dollar qazanıblar. Bu 3 sehrbaz “The İllüzionists” qrupunun üzvləridir.
Həmçinin böyük pullar qazanan illüziyaçıların siyahısına “Karbonaro effekti” televiziya proqramının aparıcısı Maykl Karbonaro və realiti şounun ulduzu Mindfrk Kris Ancel də daxildir.
