Ermənistan parlamentində təmsil olunan “Şərəfim var” fraksiyasının deputatları yerli hökumətə 44 günlük müharibədə orduya dəymiş ziyanın rəqəmlə ifadəsini tələb ediblər.
Tribuna.az xəbər verir ki, erməni deputatlar indiyə qədər Ermənistan Müdafiə Nazirliyi nə dəymiş ziyanı, nə də itirilmiş hərbi texnika barədə məlumat verməyib.
Onlar bildiriblər ki, bundan başqa, hökumət 10 noyabr sənədinə əsasən Azərbaycana təhvil verilmiş Laçın və Kəlbəcər rayonları istiqamətində formalaşdırılmış cəbhə xətti, onun infrastrukturu, habelə hərbi birləşmələri xərclərini də açıqlamalıdır.
Qeyd edək ki, 44 günlük müharibə zamanı Ermənistan ordusu 5500 nəfərə yaxın əsgər və zabit itirib. Bu rəsmi İrəvan tərəfindən təsdiqlənib. Lakin itirilən hərbi texnikaların dəyəri barədə bilgi verilmir. Bəzi hesablamalara görə, dəymiş ziyan 4 milyard dollardan bir qədər çoxdur.
Fərda Uğur
