Son dövlər bəzi ekspertlər Azərbaycan iqtisadiyyatı barədə həyəcan təbili çalırlar. Belə ki, Azərbaycan iqtisadiyyatının bu ilin ilk 5 ayında böyümədiyi, ölkənin neftdən qazancının isə hətta 1 faiz azaldığı qeyd edilir.
Tribuna.az xəbər verir ki, mövzu ilə bağlı Pravda.az-a açıqlama verən Neft Araşdırmaları Mərkəzinin rəhbəri İlham Şaban maraqlı vəziyyətin müşahidə edildiyini bildirib.
O qeyd edib ki, əvvəllər, dünya bazarında qiymətlər artan zaman Azərbaycan iqtisadiyyatının da artımını və ya əksini müşahidə edirdiksə, indi tam başqa bir vəziyyəti görürük: “Üç aydır neft qiymətləri dünya bazarlarında 100 dolların üstündə qərarlaşsa da, Azərbaycan iqtisadiyyatı sanki bunu hiss etmədi. Niyə belə oldu? Bunu dəqiq və təsfilatı ilə yalnız hökumət bilir. Amma biz hələ də Azərbaycanın 2025-ci ildə öz neftini hansı ortalama qiymətə satdığını bilmirik. Adətən, bu göstərici Neft Fondunun illik hesabatı dərc ediləndə ortaya çıxır. Bu baxımdan biz bilmirik ki, Azərbaycan nefti I rübdə və sonrakı aylarda hansı orta qiymətə satılıb. Bu, ona görə vacibdir ki, büdcədə proqnoz edilənlərlə faktiki qiymətləri müqayisə etmək imkanı olsun”.
