“Vaxtilə İçərişəhərdə “Tut ağacı” meydanı adı ilə tanınan bu yerə öz qədim adı – “Ağa Salah Meydanı” adı qaytarıldı”.
Tribuna.az xəbər verir ki, bu barədə Xalq artisti, bəstəkar Eldar Mansurov sosial şəbəkə hesabında bildirib.
O qeyd edib ki, həmin meydanı yaradan şəxs onun ulu babası Ağa Salah bəy Mansurov olub:
“Bir müddət əvvəl dostum Rahib Azəri mənə yaxşı bir xəbər çatdırdı. Tarixi adın yenidən bu meydana qaytarılmasına görə “İçərişəhər” qoruğunun rəhbərliyinə özümün və ailəmin adından minnətdarlığımı bildirirəm”.
