Fənərbağça İdman Klubunun prezidenti Sadettin Saran İstanbulda aparılan istintaq çərçivəsində gözaltına alındıqdan sonra məhkəməyə çıxarılıb və məhkəmə nəzarəti altında sərbəst buraxılıb.
Tribuna.az xəbər verir ki, o, Çağlayandakı İstanbul Ədliyyəsində ifadə verdikdən sonra hakim qarşısına çıxarılıb.
Qeyd edək ki, Saran narkotik maddə ilə bağlı ittihamlar üzrə dünən axşam saxlanılmışdı.
Ədliyyə binası ətrafında gücləndirilmiş təhlükəsizlik tədbirləri görülüb, bəzi klub rəsmiləri və azarkeşlər isə dəstək məqsədilə əraziyə toplaşıblar.
