Tailand və Kamboca bu gün, 27 dekabrda qüvvəyə minəcək atəşkəs barədə razılığa gəliblər.
Tribuna.az xarici agentliklərə istinadən xəbər verir ki, Çanthaburi əyalətinin Ponq Nam Ron rayonundakı Ban Pakkad immiqrasiya keçid məntəqəsində üç gün davam edən gərgin danışıqlardan sonra Tayland və Kamboca Baş Sərhəd Komitələrinin katiblikləri ilkin atəşkəsin şərtləri barədə razılığa gəliblər.
Tayland hökumətinin katibliyinə yaxın bir mənbə bildirib ki, ilkin atəşkəs 72 saat ərzində izləniləcək və hər hansı əlavə atəşkəs razılaşması Milli Təhlükəsizlik Şuraları tərəfindən təsdiqlənməlidir.
