“Onlar burada Ermənistan Respublikasının vətəndaşları kimi yaşamalıdırlar, onlar öz evlərindədirlər”.
Tribuna.az xəbər verir ki, bunu Ermənistanın spikeri Alen Simonyan deyib.
Onun sözlərinə görə, zaman keçəcək, hər iki ölkə sülhün növbəti mərhələsinə keçəcək. “Biz gedəcəyik, tarixi yerləri, kilsələri ziyarət edəcəyik, sanki indi Türkiyəyə gedirik. Türkiyədə soyqırım olub, 1,5 milyon erməni öldürülüb, indi minlərlə erməni orada yaşayır, bir erməni kilsəsi var”.
O, özünü Azərbaycanın vəkili kimi çıxış etmək istəmədiyini deyib. “Mən qarşı tərəfin vəkili olmaq istəmirəm. Amma bu, azərbaycanlılar üçün ağrılı deyilmi? Onlar 30 ildir ki, ərazilərinin bir hissəsini işğal etdiyimizi düşünürlər. Əlbəttə ki, onlar Qarabağda yaşayırdılar. Sizcə, Qarabağda yalnız ermənilər yaşayırdı? Nə qədər erməni ölübsə, bir o qədər də Azərbaycan ölüb. Hər iki tərəfdə zülm çəkən analardır”.
Simonyan daha sonra qeyd edib ki, dəvət olarsa və münasib fürsət yaranarsa, Azərbaycana səfər edəcə. “Bir sirri aça bilərəm: bu yaxınlarda Azərbaycanda forum keçirildi və Azərbaycanlı həmkarım məni Azərbaycana səfərə dəvət etdi. Amma təəssüf ki, seçki kampaniyası səbəbindən forumun işində iştirak etməkdən imtina etdim”.
Fərda Uğur
