Sumqayıtda seartifikatsız həkim işlədən “Cahangir-2020 Lor Center” adlı klinika cərimələnib.
Tribina.az xəbər verir ki, eyni zamanda həkim haqqında da tədbir görülüb.
Məlumata görə, Səhiyyə Nazirliyinin Analitik Ekspertiza Mərkəzinin Tibbi nəzarət şöbəsi MMC-də yoxlama aparıb.
Özəl tibb müəssisəsində keçirilən plandan kənar yoxlama zamanı həkim Nurlan Bəylərovun sertifikatsız praktik tibb fəaliyyətinə buraxılması faktı aşkarlanıb.
“Cahangir-2020 Lor Center” MMC-dən bildirilib ki, özəl klinikanın bəlli sayda həkimi var. Nurlan Bəylərov 2021-ci ildə təhsilini bitirib və 2022-ci ildə diplom alıb. Həkimlər də məhz 5 ildən bir sertifkasiyaya cəlb olunmalıdır. Klinakada olan həkimlərin hamısı birlikdə sertifikasiyadan keçməyə göndərilib.
Lakin Səhiyyə Nazirliyindən bildirilib ki, Nurlan həkimə hazırda ehtiyac yoxdur, o 2027-ci ildə sertifikasiyadan keçməlidir.
Klinikadan əlavə edilib ki, sadəcə anlaşılmazlıq olub, amma adıçəkilən həkim də baş verənlərə görə işdən uzaqlaşdırılıb.
Daha ətraflı “Xəzər TV”nin süjetində:
