Rusiyanın cənubundakı hava limanlarında uçuşlar mayın 12-dək dayandırılıb.
Tribuna.az xəbər verir ki, bu barədə Rusiya Federal Hava Nəqliyyatı Agentliyi-Rosaviasiya məlumat yayıb.
Agentlik bu müddətin qısaldıla biləcəyini də açıqlayıb.
***
10:32
Ukrayna ordusu “Cənubi Rusiya Aeronaviqasiyası” filialının inzibati binasına dron zərbəsi endirib.
Tribuna.az xəbər verir ki, bu barədə Rusiya Nəqliyyat Nazirliyi məlumat yayıb.
Hücum nəticəsində Rusiyanın cənubunda 13 hava limanının fəaliyyəti dayandırılıb.
“Həştərxan, Vladikavkaz, Volqoqrad, Gelencik, Qroznı, Krasnodar, Mahaçqala, Maqas, Mineralnıye Vodı, Nalçik, Soçi, Stavropol və Elista aeroportlarının fəaliyyəti müvəqqəti dayandırılıb”, – məlumatda deyilir.
Bildirilib ki, hazırda mütəxəssislər avadanlıqların işlək vəziyyətini qiymətləndirir və uçuş cədvəllərində düzəlişlər aparırlar.
