2026-cı ilin yanvar-aprel ayları ərzində pensiya, müavinət, təqaüd və ünvanlı dövlət sosial yardımları üzrə əhaliyə 3,49 milyard manatdan çox vəsait ödənilib.
Bu barədə Tribuna.az-a Dövlət Sosial Müdafiə Fondundan məlumat verilib.
Bildirilib ki, ödənilən vəsaitin həcmi ötən ilin müvafiq dövrü ilə müqayisədə 340,1 milyon manat və ya 10,79 faiz çoxdur.
Qeyd olunub ki, sosial ödənişlərin vaxtında həyata keçirilməsi təmin edilib.
