Mədəniyyət Nazirliyinin tabeliyində olan “Əsaslı Tikinti və Təchizat” MMC Lənkəran şəhərində yerləşən “Dairəvi qala”nın bərpası işlərini sifariş edib.
Tribuna.az Pravda.az-a istinadən xəbər verir ki, təmir işlərini 1 872 243 manata “Diler İnşaat” QSC edəcək.
MMC və QSC arasında müqavilə bağlanıb.
Qeyd: Mədəniyyət naziri Adil Kərimlidir. Nizamnamə kapitalı 2010 AZN olan QSC-nin isə qanuni təmsilçisi Elxan Füzuli oğlu Süleymanov olsa da, şirkətin Milli Məclisin deputatı Ülvi Quliyevin oğlu Orxan Quluzadəyə məxsus olduğu bildirilir. Bu fakt indiyədək təkzib edilməyib.
