Ermənistanın xarici işlər naziri Ararat Mirzoyan Türkiyə XİN rəhbəri Hakan Fidanın münasibətlərin normallaşması ilə bağlı bəyanatına cavab verib.
Bu barədə Ermənistan mətbuatı məlumat yayıb.
O bildirib ki, Ermənistan üçün həm Türkiyə ilə sərhədlərin açılması, həm də Azərbaycanla sülhün institusionallaşması vacibdir və bu proseslər bir-birindən asılı deyil.
Mirzoyanın sözlərinə görə, əksinə, Türkiyə ilə münasibətlərin normallaşması Ermənistan-Azərbaycan prosesinə müsbət təsir göstərə bilər.
Nazir həmçinin Vaşinqton görüşündə nəqliyyat dəhlizi üzrə əsas prinsiplərin razılaşdırıldığını və TRIPP marşrutunun region ölkələrini birləşdirəcəyini qeyd edib.
