Azərbaycan Respublikası Maliyyə Nazirliyinin keçirdiyi tender ləğv edilib.
Tribuna.az xəbər verir ki, keçirilən tender sanitar qovşaqları üçün sərfiyyat materiallarının satın alınmasını əhatə edib.
Belə ki, nazirlik sanitar qovşaqları üçün 30 litr maye sabun, 9000 rulon əl dəsmalı, 14 min ədəd tualet kağızı, 360 ədəd hər biri 5 litr antibakterial maye sabun, 500 ədəd mətbəx üçün əl dəsmalı və 1000 ədəd masaüstü salfet almağı planlaşdırıbmış. Bunun üçün 90 min 365 manat da pul ayırıbmış.
Tenderin ləğv edilməsi isə satınalmada iştirak etmək üçün təklifi və təklifin təminatını təqdim etmiş, tələb olunduğu halda müvafiq lisenziyaya və ya icazəyə malik olan təchizatçıların sayı üçdən az olması səbəbindən qaynaqlanıb.
Fərda Uğur
