Ötən gün Qarabağdan gizlicə qaçmış separatçıların başçısı Samvel Şahramanyanın İrəvan Məhkəməsində Ermənistan Təhsil Nazirliyinə qarşı iddiasına baxılıb.
Tribuna.az xəbər verir ki, iddiaya səbəb “Ermənistan tarixi” kitabında sözügedən şəxsin qondarma “dqr”in ləğvinə dair fərmanına dair fikirlərdir.
Belə ki, həmin dərslikdə Şahramanyanın ləğv fərmanı dolayısı ilə tənqid edilib və bununla da “dqr”in süqut etdiyi qeyd olunub.
Şahramanyan məhkəmədə iddia edib ki, bu ona atılmış böhtandır və bu səbəbdən nazirlik cərimə edilməli, dərslikdəki fikirlər isə dəyişdirilməlidir.
Onun vəkili Roman Yeritsiyan isə yerli mediaya açıqlamasında bildirib ki, İrəvan məhkəməsi Şahramanyanın “böhtan” iddiasına qəbul etməyib. Lakin daha qəribə bir qərar çıxarıb. “İrəvan məhkəməsi Samvel Şahramanyanın “dqr”in ləğvi ilə bağlı fərmanını etibarsız sayıb. Səbəb kimi isə sənədin təhlükəli risk altında imzalandığını göstərib”.
P.S. Bu, tipik erməni hiyləgərliyi və həyasızlığıdır.
Fərda Uğur
