“2026-cı il ərəfəsində Cənubi Qafqaz, digər vaxtlardan daha çox, Avrasiyada geosiyasi tarazlıqların yenidən formalaşması üçün mərkəz nöqtəsinə çevrilib”.
Tribuna.az bildirir ki, bu fikirlər Iranlı ekspert Məsumə Məhəmmədiyə məxsusdur.
Onun sözlərinə görə, bu mərhələdə təkcə Rusiyanın ənənəvi rolu yenidən müəyyənləşdirilmir, həm də Qərb diplomatik, iqtisadi və təhlükəsizlik vasitələrindən istifadə edərək bu dəyişən mühitdə öz yerini möhkəmləndirməyə çalışır. “Bu rəqabət zahirən sakit və tədricən baş verən kimi görünsə də, əslində Avrasiyanın gələcək təhlükəsizliyi ilə bağlı ən müəyyənedici geosiyasi inkişaflardan biridir”.
Məhəmmədi bildirib ki, Azərbaycanın Rusiya ilə münasibətlər hələ də qorunub saxlanılsa da, Bakı daha balanslı xarici siyasət yürütməyə və müəyyən bir gücdən asılılığını azaltmağa çalışır. “Əsas sual regionun çoxtərəfli və balanslı bir nizama doğru irəliləyəcəyi, yoxsa daha gərgin və hətta qarşıdurma güc rəqabətinin səhnəsinə çevriləcəyidir. Bu sualın cavabı əsasən Rusiya, Qərb və regional aktyorların qarşıdakı illərdə necə qarşılıqlı əlaqədə olacağından asılı olacaq”.
Fərda Uğur
