Məlum olduğu kimi, aprelin 30-da saat 14 radələrində Milli Onkologiya Mərkəzində baş vermiş partlayış nəticəsində ağır yaralanmış həkim-radioloq Asif Nəsirli ölüb. Tribuna.az xatırladır ki, bu barədə Səhiyyə Nazirliyi məlumat verib. O, bir neçə gündür ki, koma vəziyyətində idi. A. Nəsirli süni tənəffüs aparatına qoşulmuşdu və beyni ölümü faktı qeydə alınmışdı. Lakin bir möcüzə baş verməsi gözlənilirdi ki, o da baş vermədi.
Qeyd edək ki, həkim-radioloq A. Nəsirli 2008-ci ildən Milli Onkologiya Mərkəzinin Şüa terapiyası şöbəsində və Uşaq klinikasında radiasiya onkoloqu vəzifəsində çalışıb. Mübariz Əliyev qumbara ilə partlayış törədərək özünün də, həkimin də həyatına son qoyub.
İndi isə yalnız ondan geriyə şəkilləri və fotoları qaldı…
Həsən Ağa
