Rusiyada general Sarvarovun zərərsizləşdirilməsindən sonra Rusiya Dövlət Dumasında təhlükəsizlik mövzusunda diqqətçəkən çağırış səslənib.
Tribuna.az xəbər verir ki, Dövlət Dumasının deputatı Andrey Kolesnik Müdafiə Nazirliyinin yüksək rütbəli nümayəndələrinin antiterror davranışları üzrə xüsusi təlimlərdən keçməli olduğunu bildirib.
Deputatın sözlərinə görə, yüksək rütbəli hərbçilər avtomobillərinin alt hissəsini yoxlamaq üçün xüsusi güzgülərlə təmin edilməlidir. O qeyd edib ki, mövcud risklər fonunda təkcə mühafizə tədbirləri kifayət etmir, hərbçilərin gündəlik şəxsi təhlükəsizlik vərdişləri də gücləndirilməlidir.
Andrey Kolesnik hesab edir ki, avtomobillərin altının mütəmadi yoxlanılması mümkün təhdidlərin vaxtında aşkarlanmasına və qarşısının alınmasına imkan verə bilər. Onun fikrincə, bu cür sadə, lakin effektiv tədbirlər potensial terror risklərinin önlənməsində mühüm rol oynaya bilər.
