Ağciyər xərçənginə tutulan Semiramis Pekkan: “Məni bu vərdiş xəstələndirdi”
Tribuna.az xəbər verir ki, Ajda Pekkanın bacısı Semiramis Pekkan bir müddətdir mübarizə apardığı xərçəng xəstəliyi ilə bağlı danışaraq gənclərə vacib xəbərdarlıqlar edib. Pekkan bildirib ki, xəstəliyinin əsas səbəbi keçmişdə istifadə etdiyi tütün məhsullarıdır.
Ajda Pekkanın bacısı Semiramis Pekkan xərçənglə mübarizəsi ilə bağlı diqqətçəkən açıqlamalar verib. İtini gəzdirərkən yıxıldıqdan sonra xəstəxanaya aparılan Pekkanın müayinələri zamanı ağciyərində şiş aşkarlanıb. Bir müddətdir müalicə alan Pekkan yaşadıqlarını və xəstəliyinin səbəbini ictimaiyyətlə bölüşüb.
“Sabah” qəzetinin müxbiri Merve Yurtyapanın xəbərinə görə, Semiramis Pekkan həkiminin ona xəstəliyində tütün istifadəsinin mühüm rol oynadığını açıq şəkildə dediyini bildirib.
“Elektron siqaret deyilən şey məni məhv etdi”
Xüsusilə elektron siqaretlə bağlı sevənlərinə xəbərdarlıq edən Pekkan bunları deyib:
“Həkimim əvvəllər istifadə etdiyim tütünün xəstəliyimə təsir etdiyini dedi. ‘Elektron siqaret’ deyib daha az zərərli olduğunu iddia etdikləri bu vasitələr məni məhv etdi. Keçmişdə sahib olduğum bu vərdişin hesabını bu gün verirəm. Başladığım zaman normal görünürdü, zərərini bilmirdik, amma indi zərərlərini açıq-aydın görürük”.
Gənclərə açıq mesaj: “Qətiyyən tütün istifadə etməyin”
Elektron siqaretin zərərsiz olduğu düşüncəsinə də sərt reaksiya verən Semiramis Pekkan xüsusilə gənclərə səslənərək deyib:
“Heç kim elektron siqaretin tüstüsü iy vermir deyə aldanmasın. Çox zərərlidir. Gənc dostlarım qətiyyən tütün istifadə etməsin”.
Semiramis Pekkanın bu açıqlamaları elektron siqaretin sağlamlığa təsiri ilə bağlı müzakirələri yenidən gündəmə gətirərkən, mütəxəssislərin illərdir etdiyi xəbərdarlıqları da bir daha xatırladıb.
İmran Kərimli
