ABŞ Mərkəzi Komandanlığının(CENTCOM) rəhbəri admiral Bred Kuper prezident Donald Trampa İrana qarşı 10-14 gün davam edəcək intensiv hava hücumları planını təqdim edib.
Tribuna.az-ın məlumatına görə, “The Wall Street Journal” mənbələrə istinadən xəbər verir ki, plan İranın raket potensialını məhv etməyi hədəfləyir.
Mənbələrə görə, təklif olunan planın əsas məqsədi Tehranı çəkindirmək üçün yetərli olmayan cavab hava hücumlarından kənara çıxmaq və hərbi əməliyyatları kəskin şəkildə artırmaqdır.
Mənbələr qeyd ediblər ki, Kuper İrandan gələn raket təhlükəsini əhəmiyyətli dərəcədə azaltmaq üçün hava hücumlarını gücləndirməyi təklif edib.
Onların sözlərinə görə, Komandanlığının rəhbəri hesab edir ki, bu “geniş əsaslı” yanaşma ABŞ-ın raketdən müdafiə sistemlərindən istifadə ehtiyacını azaldacaq, çünki İran daha az raket hücumu qabiliyyətinə malik olacaq.
ABŞ prezidenti Donald Tramp hələ İrana qarşı əlavə hərbi əməliyyatlar barədə qərar verməyib. Prezident Kuperin təklifini təsdiqləyə bilər, bu halda hava hücumundan müdafiə sursatlarının tükənməsinə baxmayaraq, ABŞ ordusu İranın raket imkanlarını zəiflətmək üçün 10-14 gün ərzində intensiv bombardman edəcək. Tramp həmçinin diplomatik həll ehtimalını qoruyacağı ümidi ilə məhdud zərbələrin davamına qərar verə bilər.
Nəşr qeyd edir ki, Birləşmiş Qərargah Rəisləri Komitəsinin sədri Den Keyn daha ehtiyatlı mövqe tutur. Keyn ABŞ-ın tutucu arsenalının azalmasından narahatdır.
