“Bank Respublika” manatla müddətli əmanətlər üzrə bəzi faiz dərəcələrini aşağı salıb.
Tribuna.az-ın əldə etdiyi məlumata görə, 36 aylıq əmanətlər üzrə faizlərin müddətin sonunda ödənilməsi zamanı illik gəlirlilik 10,5%-dən 9,75%-ə endirilib. Bu, 0,75 faiz bəndi azalma deməkdir.
12–17 aylıq əmanətlər üzrə aylıq ödəniş zamanı illik faiz dərəcəsi 8,5%-dən 8%-ə, müddətin sonunda ödəniş zamanı isə 9%-dən 8,5%-ə düşüb.
24–36 ay intervalında göstərilən əmanətlər üzrə müddətin sonunda ödənilən faiz dərəcəsi də 10%-dən 9,75%-ə azaldılıb.
6–11 və 18–23 aylıq əmanətlər üzrə faiz dərəcələri dəyişməyib.
Fərda Uğur
