“Azərbaycanlıların yük daşımaq üçün bu və ya digər şəkildə öz yolları var. Amma əminəm ki, nə vaxtsa onlar bizim yollarımızdan istifadə edəcəklər”.
Tribuna.az xəbər verir ki, bunu Ermənistanın iqtisadiyyat naziri Gevorq Papoyan deyib.
Onun sözlərinə görə, Azərbaycan sülh razılaşmasını gözlləyir. “Güman edirəm ki, onlar tam razılaşmanı gözləyirlər. Bundan sonra yollarımızdan istifadə edəcəklər. Heç bir narahatlıq görmürəm, sadəcə yanaşma məsələsidir. Onlar düşünürlər ki, hər şey birdən tamamlanmalı və görülməlidir. Biz isə düşünürük ki, bu, paralel olaraq edilə bilər”.
Papoyan hazırda Azərbaycan ərazisindən Ermənistana yeni bir mal partiyası idxal olunduğunu da qeyd edib. Lakin həmin məhsulun nədən ibarət olması barədə bilgi verməyib.
Erməni nazir həmçinin Azərbaycan neft məhsullarının Ermənistana idxal prosesini “ticarət sirri” adlandırıb.
Fərda Uğur
