Almaniyanın “Ayntraxt” klubu Çempionlar Liqasının əsas mərhələsinin 7-ci turu çərçivəsində Azərbaycan təmsilçisi “Qarabağ”a qarşı səfər oyununu öz azarkeşlərinin dəstəyi olmadan keçirəcək.
Tribuna.az xəbər verir ki, UEFA-nın Nəzarət, Etika və İntizam Komitəsi Frankfurt klubuna yaxın iki avrokubok səfər matçında azarkeşlərinə bilet satmağı qadağan edib. Qərar 6-cı turda “Barselona”ya qarşı keçirilən (1:2) oyunda “Ayntraxt” azarkeşlərinin tribunada pirotexniki vasitələrdən istifadə etməsi və asayişi pozması ilə əlaqədar verilib. Bundan əlavə, klub 38 min avro məbləğində cərimələnib.
“Qarabağ” – “Ayntraxt” oyunu 21 yanvar 2026-cı il tarixində Bakıda, Tofiq Bəhramov adına Respublika stadionunda keçiriləcək və saat 21:45-də başlayacaq.
İmran Kərimli
