“Avropada artıq Amerikanın iştirakı olmadan fəaliyyət göstərən təsirli bir qrup – “könüllülər koalisiyası” mövcuddur”. Tribuna.az bildirir ki, bunu “Politoco” nəşri NATO-nun gələcəyi ilə bağlı yazısında qeyd edib.
Nəşr bildirib ki, ABŞ prezidenti Donald Trampın Qrenlandiyanı ələ keçirməsinə mane olmağa çalışan hər kəsə qarşı cəza tarifləri tətbiq etmək təhdidi Avropanın səbrində son damla oldu. “ABŞ-ın yanaşmasında köklü bir dəyişiklik olmadığı təqdirdə, bu proses çox güman ki, Qərbin qlobal güc balansını alt-üst edərək, yenidən qurulması ilə nəticələnəcək. Avropa öz təhlükəsizlik ittifaqını yaratmağa hazırdır və Ukrayna bunda əhəmiyyətli rol oynaya bilər”.
Nəşr qeyd edir ki, Böyük Britaniya və Norveç kimi AB-yə üzv olmayan ölkələr də daxil olmaqla, Avropa dövlətləri Trampın ikinci müddətinin böyük hissəsini artıq Amerikanın iştirakı olmadan fəaliyyət göstərən təsirli bir qrupda – sözdə “könüllülər koalisiyası”nda işləməyə sərf ediblər. “Britaniyalı Keir Starmer, Fransalı Emmanuel Makron və Almaniyalı Fridrix Merz, eləcə də Avropa Komissiyasının prezidenti Ursula fon der Leyen, Finlandiyalı Aleksandr Stubb və İtaliyalı Giorgia Maloni kimi liderlər müntəzəm olaraq bir-biri ilə yazışırlar – çox vaxt eyni qrup söhbətində”.
Fərda Uğur
