Ağdamda yanğın törətməkdə şübhəli bilinən şəxs saxlanılıb.
Tribuna.az xəbər verir ki, bu barədə Daxili İşlər Nazirliyinin mətbuat katibi Elşad Hacıyev məlumat paylaşıb. O bildirib ki, Ağdam rayonu ərazisində baş vermiş yanğınlarla bağlı polis əməkdaşlarının həyata keçirdiyi tədbirlərlə əkin sahələrinin qəsdən yandırıldığı müəyyən edilib:
“PUA və müşahidə kameralarının görüntüləri əsasında hadisəni törətməkdə şübhəli bilinən 29 yaşlı Səbuhi Hüseynli saxlanılıb.
Faktla bağlı cinayət işi başlanılıb, istintaq və digər zəruri prosessual tədbirlər davam etdirilir”.
Gülşən Rəsul
