ABŞ ordusu “Qızıl Günbəz” raketdən müdafiə sisteminin ilk sınaqlarını 2026-cı ildə başa çatdırmağı və 2027-ci ilin əvvəlində uçuş sınaqlarına başlamağı planlaşdırır.
Tribuna.az Bloomberg-ə istinadən xəbər verir ki, podratçılar üçün tələb olunan sınaqlara yerüstü sınaqlar, iki tutucu uçuş sınağı və 2029-cu ilin sonuna qədər hədəf tutma nümayişi daxildir. Bundan əlavə, agentlik qeyd edir ki, sistemlərin yerüstü sınaqları 2026-cı ildə uğurla başa çatarsa, hökumət tutucu raket istehsalçılarına 60 milyon dollar ödəməyə hazırdır.
2026-cı ilin iyun ayında Pentaqon katibi Pit Heqset Vaşinqton tərəfindən hazırlanan “Qızıl Günbəz” raketdən müdafiə sisteminin uğurlu sınaqdan keçirildiyini elan edib.
Qeyd edək ki, bu sistem Rusiyanın ciddi narahatlığına səbəb olub. Rusiya Təhlükəsizlik Şurasının sədr müavini Dmitri Medvedev layihənin “son dərəcə təxribatçı” olduğunu iddia edir. Rusiyanın müdafiə naziri Andrey Belousov isə iddia edir ki, bu Amerika proqramı həm raket əleyhinə tutmanı, həm də Rusiya və Çin raketlərinin buraxılışdan əvvəl məhv edilməsini nəzərdə tutur.
